Trial Test

ट्रायल परीक्षा उत्तिर्ण भएमा त्यस पश्चात् के के गर्नुपर्छ?

ट्रायल परीक्षा उत्तिर्ण भएमा परीक्षार्थीले लिइ आएको प्रवेशपत्रमा तत्कालै केन्द्राध्यक्ष तथा ट्राफिक प्रतिनिधि दुबैले पास जनाई ३ दिन पश्चात् License Fees (राजश्व) तिर्न सूचना दिन्छन् । वेवसाईटमा ट्रायल परीक्षाको नतिजा सार्वजनिक भएपश्चात् अनलाईनमै राजश्व भुक्तानी गरी अनलाईन भौचर प्राप्त गर्न सक्नुहुन्छ । राजश्व भुक्तानी गरेपश्चात् तपाईको अभिलेख याताायत व्यवस्था विभागमा स्मार्ट कार्ड प्रिन्टिङको निम्ति सुचिकृत हुन्छ । तपाईको मोवाईलमा विभागबाट कार्ड प्रिन्ट भएको SMS प्राप्त भए पश्चात् कार्ड लिन सक्कल नागरिकता लिएर व्यक्ति स्वयं नै उपस्थित हुनु पर्छ ।

नोटः प्रयोगात्मक परीक्षा (ट्रायल) मा उत्तिर्ण भएको बढीमा १२ महिना भित्र राजश्व बुझाइसक्नुपर्छ ।

ट्रायल परीक्षा असफल भएमा फेरी कहिले र कतिपटक पुनः परीक्षा दिन पाइन्छ?

असफल भएको मितिले ९० दिन भित्रमा पुनः २ पटक प्रयोगात्मक परीक्षा दिन पाइन्छ ।

नोटः

नयाँ फर्म दर्ता गर्ने दिनहरूः प्रत्येक हप्ताको आइतबार, सोमबार, मंगलबार र बुधबार

पुनः प्रयोगात्मक परीक्षाा (Re-Trial) परीक्षाको लागिः प्रत्येक दिन

रिट्रायल परीक्षाको निम्ति Online Form भर्नुपर्दैन, सिधै कार्यालयमा आइ दर्ता गराइ परीक्षा शुल्क भुक्तान गरी प्रवेशपत्र लिनुपर्छ । कुनै विशेष कारणले urgent retrial परीक्षा दिनु पर्ने भएमा कार्यालय प्रमुख समक्ष निवेदन दिई अन्य बारहरुमा रिट्रायलको लागि दर्ता गर्न सकिन्छ ।

Notice

View all notices

Bagamati Province Government

Ministry of Labor, Employment and Transport